«Ղազարյանը ներկայացնում է իրականությունը, Նիկոլը վախենում է իրականությունից»․ Վազգեն Սաղաթելյան

«Նիկոլը գիտի, որ ինքը վարկանիշ չունի, ու ամեն քննադատական խոսք էլ ավելի մեծ վնաս է հասցնում իրեն, որովհետև մարդիկ օբյեկտիվորեն ներկայացնում են իրավիճակը, մանավանդ Էդգար Ղազարյանը սկզբունքային, համակարգված ու ստատիստիկ տվյալներով է խոսում, ու նրա խոսքը շատ դեպքերում մեծ տարածում է ստանում»,- այս մասին քաղաքական-հասարակական գործիչ Էդգար Ղազարյանի դեմ հարուցված գործով միջնորդության քննության ընթացքում դատարանի բակում լրագրողների հետ զրույցում նշեց «Իմնեմնիմի» փոդքասթի համահեղինակ Վազգեն Սաղաթելյանը։

«Պարզ է, որ այդ մասշտաբներից Նիկոլը վախենում է, վախենում է Էդգարի աշխատասիրությունից, որովհետև նա ստատիստիկ, հիմնավորված տվյալներով, նաև հումորով ու հետաքրքիր մատուցմամբ է ներկայացնում իրականությունը մարդկանց, և ինքը վախենում է իրականությունից»,- ընդգծեց Սաղաթելյանը։