Ռուբեն Վարդանյանը հրաժարվել է Բաքվի կողմից նշանակված պաշտպանից

Բաքվում ապօրինի պատանդառված Արցախի նախկին պետնախարար Ռուբեն Վարդանյանը հայտարարել է, որ հրաժարվել է Բաքվի կողմից նշանակված պաշտպան Ազեր Մահարրամովից, և որ իր իրավունքները պաշտպանելու է միայն իր պայմանագրային փաստաբան Աբրահամ Բերմանը։ Այս մասին գրում են ադրբեջանական լրատվամիջոցները։

Արցախի նախկին պետնախարար Ռուբեն Վարդանյանը և նրա փաստաբան Աբրահամ Բերմանը դատական նիստի մեկնարկին խնդրել են պայմաններ ստեղծել առանձին հանդիպման համար։ Բաքվի դատարանը բավարարել է միջնորդությունը, որից հետո ընդմիջում է հայտարարվել։

Հիշեցնենք, որ Արցախի նախկին ռազմաքաղաքական ղեկավարության ներկայացուցիչների և քաղաքացիական անձանց Բաքվի դատարանը մեղադրում է «ահաբեկչության», «ռազմական հանցագործությունների», «ցեղասպանության» և այլ «հանցանքների» համար: