Օրենքով գող Թբիլիսսկին մեկուկես տարի է ԱԱԾ-ի մենախցում է․ «Հրապարակ»
![]()
«Հրապարակ»-ը գրում է․ «Քրեական աշխարհում հայտնի «օրենքով գող» Վիտալի Թբիլիսսկին կալանքի տակ է՝ գտնվում է ԱԱԾ-ին կից «Երևան-Կենտրոն» ՔԿՀ մենախցում։ Նրա պաշտպան Ալեքսանդր Կոչուբաևը կարծում է, որ Թբիլիսսկին պետական կամ այլ տեղից իջեցված պատվերով է գտնվում կալանքի տակ․ «Դատավարական ծայրահեղ խախտումներով գործը քննվել և ուղարկվել է դատարան։ Ունենք վկայի ուղիղ ցուցմունք այն մասին, որ նրա գրպանը թմրամիջոց են նետել, և դա այնպիսի թմրամիջոց է, որը քրեական միջավայրում ընդունված չէ (խոսքը «կրիստալի» մասին է)։ Այսինքն՝ ակնհայտ փորձել են վարկաբեկել։ Մյուս մեղադրանքն ապօրինի հրազեն պահելն է, այստեղ էլ քննիչն առանց պաշտպանի և թարգմանչի գնացել, խուզարկել է խուցը՝ խախտումներով, ստելով, չբացատրելով, որ բովանդակային խուզարկություն է անում, վերցրել է ԴՆԹ նմուշներ, իբր թե դրանք նույնականացվել են զենքից վերցվածի հետ։ Իսկ քրեական ենթամշակույթ կրող խմբավորում կրել-ստեղծելու մեղադրանքով նա արդարացվել է․․․ ակնհայտ է, որ Հայաստանում որոշ շրջանակներ վախենում են Վիտալի Թբիլիսսկիի հեղինակությունից, և սա է պատճառը, որ առանց խափանման միջոցի փոփոխության, մեկուկես տարի է՝ նա գտնվում է մենախցում՝ բացառելով արտաքին աշխարհի հետ ցանկացած կոնտակտ»։ Պաշտպանի խոսքով՝ Թբիլիսսկիից վերցվել է արյան նմուշ, որտեղ հայտնաբերվել է միայն «տրամադոլ» հոգեմետ դեղամիջոցը, որը բժշկի ցուցմամբ է ընդունում, քանի որ ունի առողջական խնդիրներ։ Նշենք, որ Վիտալի Թբիլիսսկին Հայաստանի 21 օրենքով գողերից միակն է, որը գտնվում է կալանքի տակ։ Ոմանք կարծում են՝ պատճառն այն է, որ նա Գագիկ Ծառուկյանի մտերիմն է»։
|
«Մարտի 18-ի երեկոյան ժամերից մինչև 22-ը սպասվում են տեղումներ»․ Գագիկ Սուրենյան
7914:54«Օտարման ոչ ենթակա հողատարածք են օտարել՝ ճանապարհով ու կանաչ գոտով»․ Արթուր Չախոյան (լուսանկար, տեսանյութ)
7713:18«Բուսաբանական այգին անապատ են դարձրել՝ իբր խրամուղիներ են փորում». Վրույր Քոչարյան
10912:36«83 տարվա մեջ առաջին անգամ լռեց «Ամերիկայի ձայնը»»․ Մայքլ Աբրամովից
11712:31Ողջաբերդի բնակիչները փակել են գյուղի ճանապարհը․ ՈՒՂԻՂ ՄԻԱՑՈՒՄ (տեսանյութ)
8711:18«Ամեն անգամ, երբ ԱՄՆ-ի պատճառով զոհեր են լինում, բնությունն անմիջապես հարվածում է»․ Նաիրի Հոխիկյան
13010:54