«2021 թվականի ընտրություններ անցկացրած ժողովուրդը իրավունք չունի ունենալու հանրապետություն». Տիգրան Աթանեսյան

Փաստաբան Տիգրան Աթանեսյանի ֆեյսբուքյան գրառումը. «2021 թվականի ընտրություններ անցկացրած ժողովուրդը իրավունք չունի ունենալու հանրապետություն: Ժողովուրդը կամ կուզեք ավելի ճիշտ՝ ընտրողների մեծամասնությունը այդ ընտրություններով վերջնական հաստատեց և ապացուցեց, որ թքած ունի իր պետության վրա կամ բացարձակապես չի հասկանում, թե ինչ է պետությունը: Պարտված և ակնհայտ դավաճանած ղեկավարին վերընտրելը, թե ինչ է մի քանի հոգու խոստացել է հարստահարի, պրիմիտիվիզմի և հանրության զարգացման ցածրագույն մակարդակի անհերքելի ապացույց է:
Բայց ի՞նչ անել այն մարդկանց կամ ուժերին, որոնք դա գիտակցում են:
Փնտրել երկրի ձևափոխման ուղիներ և նման հանրության էֆեկտիվ կառավարման ձև: Դա տրամաբանական պատասխանն է:
Բայց դրանով ոչ ոք չի զբաղվում: Հակառակը, ընտրված է մի ուղի, որը դժվար թե մոտակա ժամանակներում պսակվի հաջողությամբ, իսկ հաջողության դեպքում՝ կբերի հերթական խորը հիասթափության: Ընտրված է ընտրողներին ևս մեկ անգամ խաբելու ճանապարհը: Բայց հետաքրքիր է, որ այդ ճանապարհն էլ է անհասկանալի: Կապիտուլյանտի հեռացումից զատ ի՞նչ են առաջարկում նրա դեմ թե պայքարողները, թե իբր պայքարողները: Ոչինչ: Բառացիորեն՝ ոչինչ: Այդպես չի ստացվի: Ի՞նչ տարբերություն էդ դեպքում կապիտուլյանտի և նրան փոխարինող ոչ փնթի, գրագետ խոսքով, մարդկանց նյարդերին չազդող ընտանիքով առաջնորդի միջև, բացի արդեն նշածից: Ոչ մի, դեռ ավելին, նոր ղեկավարը փաստացի վայելելու է հանգիստ կյանք, ասելով՝ դե, ինչ արած, նիկոլը սաղ ծախել ա, յոլա գնացեք ժողովուրդ ջան:
Ոչ ոք չի ծավալում բանավեճ՝ ինչպիսի պետություն է մեզ պետք, պատերազմել ադրբեջանի հետ, թե՝ ոչ, ինչպես ապահովել արդարություն և տնտեսության զարգացում և այլն:
Չի ծավալում՝ ուրեմն այն պետք չէ: Խնդիրը պաշտոնների և սեփականության վերաբաշխումն է՝ հայրենասիրական քողի ներքո, ուրեմն ոչ ոք էլ չի հաջողի, այսինքն՝ պետք են լրիվ նոր մարդիկ՝ նոր գաղափարներով»: