«Սուրեն Պապիկյանը քաղաքականապես անմեղսունա՞կ է»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Պաշտպանության նախարարի պաշտոնը զբաղեցնող Սուրեն Պապիկյանը անդրադառնալով Ալիևի սպառնալից հռետորաբանությանը՝ ասել է․ «Հռետորաբանությունը հռետորաբանություն, սակայն ցանկացած ագրեսիայի համար պետք են հիմքեր։ Ես՝ որպես պաշտպանության նախարար, չեմ տեսնում, որ կան հիմքեր, որպեսզի տարածաշրջանը էսկալացվի, որովհետև յուրաքանչյուր խնդրի մասով Հայաստանն ունի առաջարկներ և լուծումներ»,- հավելելով, որ ՀՀ դիրքորոշումն այն է, որ երկխոսության միջոցով հնարավոր է հասնել խաղաղության։
Սուրեն Պապիկյանը քաղաքականապես անմեղսունա՞կ է, որ հավատում է, թե Ադրբեջանի կողմից ագրեսիայի համար հիմքեր են պետք, ինքն այդ հիմքերը չի՞ տեսնում, երբ Ալիևը ոչ միայն ագրեսիվ հռետորաբանություն է կիրառում, այլև անընդհատ զինում է Ադրբեջանի բանակը, զորահավարժություններ է անցկացնում, որ հարմար առիթի դեպքում Հայաստանի վրա հարձակվի»։