«1990թ. հունվարին Բաքվում հայ բնակչության կոտորածին նախորդել էին Սումգայիթի և Կիրովաբադի ջարդերը»․ ՀՀ ԱԳՆ
![]() ՀՀ ԱԳՆ-ն հայտարարություն է տարածել Բաքվում տեղի ունեցած ջարդերի 35-րդ տարելիցի կապակցությամբ: «Այս օրերին հիշատակվում է Բաքվում հայերի ջարդերի, էթնիկ զտումների և զանգվածային տեղահանությունների 35-րդ տարելիցը։ Մեկ շաբաթվա ընթացքում, ադրբեջանական կազմակերպված խմբերը լիակատար անպատժելիության միջավայրում և ադրբեջանական իշխանությունների թողտվությամբ ու աջակցությամբ, ինչպես նաև խորհրդային իշխանությունների լիակատար անգործության պայմաններում հայերի նկատմամբ իրականացրին զազրելի ոճրագործություններ: Հայերի ճնշող մեծամասնությունը ստիպված էր լքել սեփական բնակավայրերն այն պարագայում, երբ հայ համայնքը 19-րդ դարի կեսերից էական դեր էր խաղացել Բաքվի արդյունաբերական քաղաքի կառուցման և զարգացման գործում, հայ ընտանիքներն ու անհատները հիմնել, տնօրինել ու ղեկավարել են խոշոր արդյունաբերական ձեռնարկություններ, մշակութային և կրթական հաստատություններ: Արդյունքում՝ Բաքվի հայերը թողել են միլիարդների արժողությամբ ունեցվածք և հարստություն՝ հաջորդիվ զրկված լինելով դրա դիմաց որևէ փոխհատուցում ստանալու հնարավորությունից։ 1990 թ. հունվարին Բաքվում հայ բնակչության կոտորածին, որը հստակ նպատակ ուներ բռնի տեղահանության ենթարկել երբեմնի 250-հազարանոց հայ համայնքի մնացորդներին, նախորդել էին Ադրբեջանի Սումգայիթ և Կիրովաբադ (ներկայիս Գյանջա) քաղաքներում ավելի մասշտաբային ջարդերը։ 1980-ականների վերջին և 1990-ականների սկզբին Ադրբեջանում տեղի ունեցած հայերի ջարդերի հետևանքով երկրից արտաքսվեց մոտ 400.000 հայ բնակչություն: Ավելին, ադրբեջանական քաղաքներում հայերի հազարամյա հետքերը միտումնավոր ջնջվեցին, և կեղծվեցին նրանց հարուստ պատմությունն ու ժառանգությունը: Հարգանքի տուրք մատուցելով Բաքվի ջարդերի զոհերի հիշատակին և վերապրածներին՝ Հայաստանը խորապես հավատում է, որ Հարավային Կովկասում կայուն խաղաղությունը միայն կարող է կանխել ապագայում մարդկության դեմ այսպիսի ոճրագործությունների կրկնությունը»,- ասված է հայտարարության մեջ:
Աղբյուրը` ՀՀ Արտաքին գործերի նախարարություն |
«Ձեռք է բերվել 123 293 տոմսային փաթեթ»․ Հայկ Կոստանյան
126Երեկ, 22:06«Միշտ վառ պահեք հավատքի լույսը, ձեր սրտերում կրեք սերը Աստծո, հայրենիքի և միմյանց հանդեպ»․ Գարեգին Բ
154Երեկ, 20:42Մհեր Գրիգորյանն ու Շահին Մուստաֆաևը քննարկել են սահմանազատման հարցերը
243Երեկ, 18:31Նիկոլ Փաշինյանը մեկնել է Մյունխեն
45713.02.2025, 21:00«Արցախին օգնելուց պաշտոնապես հրաժարված անձինք չեն վարանում խեղաթյուրելու իրականությունը». ՀԱՍԵ Արցախի թեմ
51112.02.2025, 16:48Հայկ Կոստանյանը պարզաբանում է տարածել
50412.02.2025, 16:00