Գիտնականները 8000 տարվա վաղեմության կերամիկայի վրա մատնահետքեր են հայտնաբերել

Թուրքիայի արևմուտքում՝ Ուլուջակ հնավայրում, հնագետները 8000 տարվա վաղեմության կերամիկայի և կավե իրերի վրա մատնահետքեր են հայտնաբերել։ Այս մասին գրում է Daily Galaxy-ն։

Իզմիր նահանգի Քեմալփաշայի շրջանում գտնվող այս գտածոն կարևոր պատկերացում է տվել այն մասին, թե ինչպես են վաղ համայնքները սկսել ավելի կազմակերպված ձևով արտադրել կերամիկա։

Նշվում է, որ արհեստանոցը թվագրվում է մ.թ.ա. 6000–5840 թվականների ժամանակաշրջանով և հայտնաբերվել է վեց սենյականոց շինությունների համալիրում։ Այնտեղ հայտնաբերվել են գործիքներ, անավարտ կերամիկական իրեր, գունանյութեր և այս արհեստի հետ կապված այլ նյութեր։

Նշվում է, որ մատնահետքերն առաջին հստակ ապացույցներից են, որ կերամիկայի արտադրությունն իրականացվել է հմուտ արհեստավորների կողմից, ովքեր աշխատել են առանձին արհեստանոցում, և ոչ միայն բնակելի տարածքներում: