Լևոն Ջուլֆալակյանը հայտարարել է Եվրոպական խաղերին մեկնող ըմբիշների անունները

Բելառուսի մայրաքաղաք Մինսկում հունիսի 21-ից 30-ը կայանալու են Եվրոպական երկրորդ խաղերը։ Հունահռոմեական ոճի ըմբշամարտի Հայաստանի հավաքականի գլխավոր մարզիչ Լևոն Ջուլֆալակյանը հայտարարել է հավաքականի կազմը, որը կներկայացնի Հայաստանը Մինսկ-2019-ում։

Մինսկում մեդալների համար կպայքարեն 60 կգ քաշային Արմեն Մելիքյանը, 67 կգ քաշային Կարեն Ասլանյանը, 87 կգ քաշային Մաքսիմ Մանուկյանը և 97 կգ քաշային Արթուր Ալեքսանյանը։