Ավտոմեքենան ընկել է ձորակը, տուժածներից մեկը մահացել է

Հոկտեմբերի 11-ին՝ ժամը 19։38-ին, Լոռու մարզային օպերատիվ կառավարման կենտրոն ահազանգ է ստացվել, որ Սանահին բնակավայրում տեղի է ունեցել ՃՏՊ․ կա տուժած։

Պարզվել է, որ «Opel» մակնիշի ավտոմեքենան դուրս է եկել ճանապարհի երթևեկելի գոտուց և կողաշրջվել դեպի հարակից ձորակը։

Փրկարարները սահմանազատել են տարածքը, տուժածներին մոտեցրել շտապօգնության ավտոմեքենային․ վերջիններս հոսպիտալացվել են։

Բժշկական կենտրոնում արձանագրվել է տուժածներից մեկի մահը։