«Պաշտպանության նախարարը զբաղված է բունկերների հաշվին PR անելով և «ռիլեր» նկարելով»․ Գառնիկ Դավթյան

«Այն, որ Շաքիում տեղի ունեցած միջադեպի վերաբերյալ Պաշտպանության նախարարությունը որևէ հայտարարություն չի արել, սա խոսում է այն մասին, որ

պաշտպանության նախարարը զբաղված է բունկերների հաշվին PR անելով և «ռիլեր» նկարելով։ ԱԺ-ում հայտարարել է «Ուժեղ Հայաստան» խմբակցության պատգամավոր Գառնիկ Դավթյանը՝ հավելելով, որ վաղուց չի զարմանում, որ ՔՊ-ի համար մեր ժողովրդի անվտանգությունը որևէ կարևորություն չի ներկայացնում։

«Ադրբեջանի ԶԼՄ-ներում հայ կնոջ վրա կրակելը և երեխաներին ահաբեկելը ներկայացվում են որպես ադրբեջանցի զինվորի ինքնապաշտպանություն․․․ Ի՞նչ է սա, եթե ոչ նոր «սաֆարովների» ծնունդ։ Ադրբեջանի մոտեցումն ու քարոզչությունը բխում են հայատյացության քաղաքականության առաջ մղումից»,- նշեց պատգամավորը՝ հավելելով, որ ՔՊ-ն շարունակում է ծածկադմփոց անել ու չընդունել իր քաղաքական պատասխանատվությունը, ինչը վկայում է ամենաթողության մասին։