Մահվան ելքով վրաերթ՝ Իսակովի պողոտայում

Այսօր՝ հուլիսի 27-ին, ժամը 10:40-ի սահմաններում Երևանի բնակիչ 21-ամյա Արսեն Խ-ն, իր վարած «Lexus» մակնիշի ավտոմեքենայով Իսակովի պողոտայում՝ «Երեքնուկ» կամրջի վրա, վրաերթի է ենթարկել հետիոտն, Կոտայքի մարզի բնակիչ 62-ամյա Սեդրակ Ի-ին։
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, ահազանգել է շտապօգնություն։ Ժամանած շտապօգնության բժիշկների հերթապահ խումբն արձանագրել է հետիոտնի մահը։

Դեպքի փաստով քննչական բաժնում նախաձեռնվել է քրեական վարույթ։ Ավտոմեքենան տեղափոխվել է ՊԾ Երևան քաղաքի գնդի հատուկ պահպանվող տարածք։ Վարորդը ենթարկվել է սթափության փորձաքննության, եղել է սթափ։