«Ո՞վ կունենա համարձակություն․ ՍԴ-ն՝ Փաշինյանի ճնշումների տակ»․ Սևակ Հակոբյան

«Թեև Սահմանադրական դատարանը դեռ չի հաստատել Հայաստանի պատմության մեջ ամենավիճելի ընտրությունների վերաբերյալ որոշումը, բայց ՔՊ-ն պաշտոններն է բաժանում՝ ԱԺ, նախարար և այլն։ Գուցե արդեն գիտեն կամ կռահո՞ւմ են որոշման բովանդակությունը։ Եթե մենք կռահում ենք դատավորներից մի քանիսի որոշումը, գուցե Նիկոլը գիտի՞ քվեարկությունը»,- այս մասին իր «Կարճ ասած» հեղինակային հաղորդման ընթացքում նշում է խմբագիր, լրագրող Սևակ Հակոբյանը։

«Կարճ ասած՝ ՍԴ նիստերին զուգահեռ ՔՊ-ի պաշտոնաբաժանումը, ըստ իս, նշանակում է, որ կա՛մ թքած ունեն դատարանի որոշման վրա, կա՛մ արդեն տեղյակ են այդ որոշումից։ Վստահ կարող ենք ասել, որ ՍԴ-ի հակապետական որոշումը, հակաժողովրդական որոշումը, օրենքից ու իրավունքից չբխող որոշումը մեր երկիրը հետ է գցելու տարիներով, այդ կառույցն ամբողջությամբ գցելու է լեգիտիմության ճգնաժամի մեջ։ Որ ընտրության արդյունքները ոչ լեգիտիմ են, կասկած չկա, այդ դեպքում այդ արդյունքները վավերացնողնե՞րն ով են։ Սարսափելի է լինելու, եթե մեր երկիրը ևս 5 տարի փորձի ղեկավարել մի թիմ, որը չի ստացել դրա համար մանդատ»,- ընդգծում է Հակոբյանը։