«Պետք է կոմպրոմիսներով ընտրվի ՀՀ վարչապետը, որը նախկիններից չէ, ներկաներից չէ, ես էլ չեմ»․ էդմոն Մարուքյան

«Հայաստանում ոչ մի ուժ չպետք է ունենա բացարձակ իշխանություն»,- Գյումրիում ասուլիսիս ժամանակ հայտարարել է ԼՀԿ առաջնորդ Էդմոն Մարուքյանը։ «Մենք տեսել ենք բացարձակ իշխանություն մինչև 18թ․ հեղափոխությունը, մենք տեսնում ենք 18թ․ից 26 թվականը, և մենք գտնում ենք, որ խորհրդարանը պետք է ձևավորվի մի շարք ուժերից այնպես, որ ոչ մի ուժ չունենա 50+1 ձայն և կոմպրոմիսներով ընտրվի ՀՀ վարչապետ, որը նախկիններից չէ, ներկաներից չի, ես էլ չեմ»,- նշել է Մարուքյանը։ «Առաջարկում ենք քաղաքական էգոիզմը դնեն մի կողմ և ձձավորենք կոմպրոմիսային պառլամենտ՝ կոմպրոմիսային վարչապետով, ով ուժեղ բանակցային դիրքերից հանդես կգա, որովհետև մի ուժի չի հաշվետու լինելու, ՀՀ ժողովրդին հաշվետու կլինի և, վերջապես, ՀՀ ժողովուրդը կունենա մի պառլամենտ, որը ներկայացնում է իր տարբեր շերտերը և տարբեր մոտեցումներ, գաղափարներ կներդրվեն, կքննարկվեն»,- պարզաբանել է ԼՀԿ առաջնորդը։