Մայրն էլեկտրական վառարանը շրջել է երեխայի վրա՝ խեղդամահությունը դժբախտ պատահար ներկայացնելու համար

Ուլան-Ուդե քաղաքում կինը քնել է երեխային կերակրելու ժամանակ, ինչի հետևանքով փոքրիկը խեղդվել է։ Պատահարը թաքցնելու համար նա էլեկտրական վառարանը շրջել է երեխայի վրա՝ ներկայացնելով այն որպես դժբախտ պատահար։ Այդ մասին հայտնում է Բուրյաթիայի քննչական կոմիտեն։

Նշվում է, որ դեպքից հետո կինը դուրս է եկել խանութ, վերադարձել ավագ որդու հետ և շտապօգնություն կանչել՝ հայտնելով, թե վառարանն ընկել է երեխայի վրա։ Սակայն փորձաքննությունը ցույց է տվել, որ երեխան մահացել է շնչահեղձությունից։