«ՔՊ-ի հետ համագործակցությունը բացառվում է»․ Հակոբ Ասլանյան

Ինչպես հայտնել էինք, «Միացյալ ազգային սոցիալիստական կուսակցություն»-ը (ՄԱՍԿ) հայտարարել է խորհրդարանական առաջիկա ընտրություններին մասնակցելու մասին։ Հարցին՝ ՔՊ-ի հետ համագործակցություն հնարավո՞ր է, կուսակցության համահիմնադիր, ԱԺ պատգամավոր Հակոբ Ասլանյանն ասաց՝ բացառվում է․ «Մենք ՔՊ-ի հետ ոչ մի դեպքում չենք համագործակցի, որովհետև այնքան են հեռացել հեղափոխական արժենքերից, խրվել խաբկանքների ու կեղտի մեջ, որ մենք այլևս երբեք չենք կարող լինել․․․ Էն մարդիկ, ովքեր մտածում են՝ ՔՊ-ի հետ կարող ենք համագործակցել, չարաչար սխալվում են»։