«Մասնակցելու ենք ԱԺ առաջիկա ընտրություններին»․ Հովիկ Աղազարյան

«Միասնական ազգային սահմանադրական կուսակցության» հիմնադիր, պատգամավոր Հովիկ Աղազարյանն ասուլիսի ժամանակ հայտնեց, որ մասնակցելու են ԱԺ առաջիկա ընտրություններին, ձևաչափի հետ կապված վերջնական որոշում դեռ չունեն։ «Բանակցում ենք որոշ կուսակցությունների հետ։ Եթե գտնվեն համագործակցության եզրեր, նախընտրում ենք ընտրություններին գնալ այլ կուսակցությունների հետ միասնական դաշինքով․ դաշինքային տրամաբանությամբ, բայց ո՛չ դաշինքով, այլ մեկ կուսակցական ցուցակով, որպեսզի կարողանանք ավելի հեշտ հաղթահարել շեմը»,- ասաց նա։