«Քանի դեռ պետական պաշտոնյաներին նայում եք` որպես տերերի, նրանք ձեզ նայելու են` որպես իրենց ծառաների». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Հայաստանի ժողովրդի մեջ մի սխալ մտայնություն կա, որ իշխանությունն է պահում ժողովրդին։ Իրականում լրիվ հակառակն է, ժողովուրդն է իր մուծած հարկերով, տուրքերով, տուգանքներով, զանազան վճարներով պահում իշխանությանը, դրանցով ձևավորում պետական բյուջեն, որից այդքան առատորեն սնվում, միլիոնավոր դրամների պարգևավճարներ են ստանում, բարգավաճում, «չաղանում են» օրվա իշխանավորները։ Քանի դեռ պետական պաշտոնյաներին նայում եք՝ որպես տերերի, նրանք ձեզ նայելու են՝ որպես իրենց ծառաների, փոխանակ այդ պաշտոնյաներն օրենքով, բարեխիղճ, կարգապահ ծառայեն պետությանը, հանրությանը։ Հին Հռոմում մեկն իր մեջքին է դնում էշի ու տնքալով քայլում է։ Անցորդները ծաղրում են նրան, ասելով՝ փոխանակ էշին նստես, էշին քո մեջքին ես դրել։ Մարդը հակադարձում է՝ դուք՝ բոլորդ, ձեր մեջքին էշեր եք տանում, սակայն դա չեք հասկանում։ Սա էլ՝ հասկացողների համար»։