«Պլաստիկ տոպրակի համար վճարում ես, բայց հետն էլ մի փունջ պլաստիկ ստանում». Իզաբելլա Աբգարյան

«Մենք չենք կարող համարել, որ ունենք համակարգված աղբի տեսակավորում Երևանում այնքան ժամանակ, քանի դեռ բոլոր տեղերում, որտեղ դրված է աղբարկղը, կողքին չկան նաև աղբը տեսակավորելու մյուս արկղերը: Իրականում աղբի տարբեր տեսակներ կարող են քաղաքին եկամուտ բերել, եթե ճիշտ վերամշակվեն և օգտագործվեն»,- Երևանի ավագանու նիստում ասել է «Ազգային առաջընթաց» խմբակցության անդամ Իզաբելլա Աբգարյանը:

Նա ընդգծել է, որ պլաստիկ տոպրակները դարձրել են վճարովի, բայց դրանց օգտագործումը էականորեն չի նվազել: «Միևնույն ժամանակ դու վճարում ես պլաստիկ տոպրակի համար, բայց անվճար հետը ստանում ես մի ամբողջ փունջ պլաստիկ: Ամեն ինչ մեր սուպերմարկետներում դնում են պլաստիկե ամանի մեջ, դրա դեմ որևէ մեկը չի ուզում պայքարել»,- հավելել է նա: