«Ձեզ որտեղից 700 հազար դոլար, որ դատախազությունը պահանջում է»․ լրագրողը՝ Իշխան Սաղաթելյանին

«Ձեզ որտեղից 700 հազար դոլարը, որ դատախազությունը պահանջել է»,- ճեպազրույցի ժամանակ լրագրողը հարց ուղղեց ԱԺ «Հայաստան» խմբակցության պատգամավոր Իշխան Սաղաթելյանին։ «Իմ ընտանիքը զբաղվել է գործարարությամբ, 2016թ․ ստեղծված ընկերությունն իրենց իշխանության տարիներին վճարել է 600 մլն դրամից ավելի հարկ, շուրջ 500 միլիոն դրամ աշխատավարձ է տվել, ընկերությունն անցել է տարբեր հարկային ստուգումներ և յուրաքանչյուր ամիս այս 10 տարիների ընթացքում 2,5 մլն դրամի կարգի շահույթ է ունեցել, որը փոխանցել է իր հիմնադրին։ Այսինքն այդ գումարը, որ այդպես մեծ-մեծ հայտարարում են, դա ընկերությունից ստացված շահույթն է՝ փոխանցված իր հիմնադրին 10 տարվա ընթացքում»,- պարզաբանել է ընդդիմադիր պատգամավորը։ «Հիմա հարցնում եմ․ այս շոուն, որ անիմաստ անում եք, առանց ուսումնասիրելու, տեղեկություններ իմանալու, դրա նպատակը ո՞րն է․ պարզ բան, որ այս ամբիոնից հայտարարեն՝ տեսեք գողերը, թալանչիները... այսպիսի թվեր հրապարակեն, բայց տակը ոչ մի բան չկա»,- հավելել է Սաղաթելյանը։