«Փոսերի հիմնական մասը ոչ թե աղից է, այլ վատ վերանորոգված դիտահորերից, խրամուղիներից». Գրիգոր Իսկանդարյան

«Պարո՛ն Ավինյան, հայտարարեցիք, որ փոսերը առաջացել են ռեկորդային մեծ քանակի աղ օգտագործելու հետևանքով. դա ձեր անձնակա՞ն կարծիքն է, թե՞ մասնագիտական կարծիք է»,- Երևանի ավագանու նիստում քաղաքապետ Տիգրան Ավինյանին հարց ուղղեց «Մայր Հայաստան» խմբակցության անդամ Գրիգոր Իսկանդարյանը:

Քաղաքապետը պատասխանեց, որ դա մասնագիտական կարծիք է և «բացարձակ ճշմարտություն է»:

Ավագանու ընդդիմադիր անդամն արձագանքեց. «Երբ նայում ենք խորը փոսերին, զգացվում է, որ այդ փոսերի հիմքը հոսել է: Ես չեմ ժխտում, որ աղից կարող է առաջանալ փոս, բայց փոսերի հիմնական մասը ոչ թե աղից է, այլ վատ վերանորոգված դիտահորերից, խրամուղիներից, չվերանորոգված փողոցներից է։ Օրինակ Լեռ Կամսար փողոցը 2025-ին իբր ասֆալտապատել, անցել են, թողել են փոքր փոսեր, որոնք էլ հիմա դարձել են մեծ փոսեր»:

Տիգրան Ավինյանն ասաց, որ Երևան քաղաքի փողոցային ցանցն ահռելի է և «իրականում մենք փուլ առ փուլ միջին նորոգումներով ինչ-որ մի ստանդարտի բերում ենք»: