«Ոստիկանության բաժինն ահազանգում է 102՝ պաշտպանվելու համար»․ Կարապետ Պողոսյան

Իրավապաշտպան Կարապետ Պողոսյանը ֆեյսբուքյան իր էջում գրում է․ «Ոստիկանությունը դիմել է ոստիկանություն.
Իրական Հայաստանում այնքան «անվտանգ է», որ ոստիկանության բաժինն ահազանգում է 102՝ պաշտպանվելու համար։
Մասնավորապես, վերջերս Ոստիկանության Մուշի բաժին ահազանգ է ստացվել, ապա հաղորդում է ներկայացվել ոստիկանության Գվարդիայի Շիրակի բաժնի կողմից։
ՆԳՆ նախարարի կողմից ձևավորված գվարդիայի Շիրակի բաժնի վրա մեկը հարձակվել է, կոտրել ապակիները, սարսափած ոստիկան հերթապահներն էլ դիմել են ոստիկանություն։ Գվարդիան, որ պետք է ապահովի պետական պաշտպանություն հատուկ ռազմավարական օբեյկտների, չի կարողացել ապահովել սեփական անվտանգությունը։
«Իրական» Հայաստանում փաստացի ոստիկանությունը կարող է միայն հարձակվել, օրինակ, եկեղեցու վրա, իսկ մյուս պարագաներում ինքն անզոր է, սա է իրական պատկերը։
Ինչ ասեմ, բարի գալուստ «Իրական Հայաստան» ստի, կեղծիքի, պարտության ու նվաստացման Հայաստան»։