«Մեծ Բրիտանիան և Ֆրանսիան ռազմական բազաներ կտեղակայեն Ուկրաինայում». Սթարմեր

Փարիզում «կամավորների կոալիցիայի» հանդիպումից հետո Մեծ Բրիտանիայի վարչապետ Քեյր Սթարմերը հայտարարեց, որ Ուկրաինայում հրադադարի դեպքում Մեծ Բրիտանիան և Ֆրանսիան ռազմական բազաներ կտեղակայեն ամբողջ Ուկրաինայում և կկառուցեն սարքավորումների պահեստներ Ուկրաինայի զինված ուժերի համար:

«Զինադադարից հետո Մեծ Բրիտանիան և Ֆրանսիան ռազմական բազաներ կտեղակայեն ամբողջ Ուկրաինայում և կկառուցեն անվտանգ օբյեկտներ զենքի և ռազմական տեխնիկայի պահեստավորման համար՝ Ուկրաինայի պաշտպանական կարիքները բավարարելու համար: Մենք նաև համաձայնության ենք եկել կարևոր հաջորդ քայլերի շուրջ կոալիցիոն մյուս գործընկերների հետ: Նախ, մենք կմասնակցենք ԱՄՆ-ի գլխավորությամբ զինադադարի մոնիթորինգին: Երկրորդ, մենք կաջակցենք Ուկրաինայի պաշտպանության համար զենքի երկարաժամկետ մատակարարմանը: Եվ երրորդ, մենք կաշխատենք պարտավորվել աջակցել Ուկրաինային Ռուսաստանի կողմից ապագա զինված հարձակման դեպքում», - ասել է Սթարմերը հանդիպումից հետո մամուլի ասուլիսում: