Պայթյուն՝ Աբովյանում գործող գազալցակայաններից մեկում

Այսօր՝ հունվարի 4-ին, արտակարգ դեպք է տեղի ունեցել Կոտայքի մարզում։ Ժամը 08։00-ի սահմաններում ՆԳՆ ահազանգ է ստացվել, որ Աբովյան քաղաքում՝ Սարալանջի փողոցում գործող գազալցակայանում հրդեհ-պայթյուն է տեղի ունեցել․ կա տուժած։ Ինչպես հայտնում է Գագիկ Շամշյանը, շտապօգնության բժիշկների հերթապահ խումբը մեկ հոգու տեղում անհրաժեշտ բուժօգնություն է ցուցաբերել, ապա տեղափոխել Երևանի Այրվածքաբանության ազգային կենտրոն։ Տեղում պարզվել է, որ գազի արտահոսք է տեղի ունեցել․ աշխատակիցը, ըստ նախնական տեղեկությունների, ծխախոտով է եղել, ինչից էլ պայթյուն-բռնկում է տեղի ունեցել։ Աշխատակիցը, որը ըստ դեպքի վայրում հավաքվածների, հերթափոխի պետ, Կոտայքի մարզի բնակիչ 39-ամյա Սաղաթել Մ-ն է, տեղափոխվել է հիվանդանոց։

Մանրամասները՝ սկզբնաղբյուրում։