«Ժողովուրդ ջան, երբեք 2-րդ անգամ չվճարեք». Նարեկ Կիրակոսյան

Լրագրող Նարեկ Կիրակոսյանը գրել է. «Քաղաքացիներին տուգանելու մոլուցքով տարված քաղաքային իշխանությունը լավ կաներ նախ իր համակարգային խնդիրները վերջնական լուծեր, նոր միայն մարդկանց «տուգանքի մատերիալ» դարձներ։
Երևանի մետրոյում քարտով վճարում եմ, «ԹելՍել»-ի ապարատը մերժում է, բայց բանկի հավելվածում տեսնում եմ՝ գումարը քաշվել է։ Մոտենում եմ մետրոյի հսկիչին, ցույց եմ տալիս վճարումը հաստատող դաշտը, ասում եմ՝ բացեք, անցնեմ, գումարը մեկ է՝ քաշել է։ Պատասխանում է՝ իրավունք չունեմ, զանգեք «ԹելՍել»։
Ես իրավունք վերապահեցի ինձ՝ մեկ այլ քաղաքացու հետևից անցնելու, որովհետև արդեն վճարել էի։ Դուք էլ այդպես կանեք, ժողովուրդ ջան, երբեք 2-րդ անգամ չվճարեք։
Հիմա ուզում եմ հասկանալ՝ մենաշնորհային դիրք ունեցող «ԹելՍել»-ը և քաղաքացիներին տուգանող Երևանի քաղաքապետարանը ինչ բացատրություն ունեն էս վիճակի հետ կապված»։