Չիկագոյում հրաձգության հետևանքով 3 մարդ է զոհվել

ԱՄՆ Չիկագո քաղաքի գիշերային ակումբի մոտ տեղի ունեցած կրակոցների հետևանքով զոհվել է առնվազն երեք մարդ, ևս 16-ը՝ վիրավորվել, հաղորդում է CBS-ը՝ հղում անելով տեղական իշխանություններին։
«Չիկագոյի կենտրոնում գտնվող գիշերային ակումբի մոտ չորեքշաբթի ուշ երեկոյան (տեղական ժամանակով - խմբ.) տեղի ունեցած զանգվածային կրակոցների հետևանքով զոհվել է առնվազն երեք մարդ, ևս 16-ը՝ վիրավորվել», - ասվում է հաղորդագրության մեջ։
Հեռուստաալիքի տվյալներով՝ անհայտ անձինք, որոնք մեքենայով անցնում էին գիշերային ակումբից, կրակ են բացել գիշերային ակումբից դուրս եկող մարդկանց ուղղությամբ։