Մխչյանի դպրոցում երկու երեխայի թմրանյութ տալու գործով չորրորդ մեղադրյալը հայտնաբերվել է

Արարատի մարզի Մխչյան գյուղի միջնակարգ դպրոցում չորրորդ դասարանի երկու երեխայի թմրանյութ տալու գործով չորրորդ մեղադրյալը, որին իրավապահները փնտրում էին, հայտնաբերվել և արգելանքի է վերցվել։ Վերջինս անչափահաս է։ Նրա նկատմամբ որպես խափանման միջոց է ընտրվել տնային կալանքը։ Այս մասին «Փաստինֆո»-ին հայտնել են Քննչական կոմիտեից:

Հիշեցնենք, որ Մխչյան գյուղի միջնակարգ դպրոցում օրերս զարհուրելի դեպք է եղել։ Ըստ տեղեկությունների՝ բարձր դասարանների մի քանի տղաներ դպրոցի զուգարանում կապկպել են 4-րդ դասարանի երկու աշակերտի և ստիպողաբար թմրանյութ տվել, որից հետո երեխաների մոտ կախվածություն է առաջացել, նրանք սկսել են տնից գումար գողանալ՝ կրկին նույն աշակերտներից թմրանյութ գնելու նպատակով։