«ԿԲ նախագահը միտումնավոր փորձում է ապակողմնորոշել հասարակությանը»․ Մհեր Կարագոզյան

«Հանրային վերահսկողություն» ՀԿ նախագահ Մհեր Կարագոզյանը զեղծարարությունից տուժած քաղաքացիների հետ բողոքի ակցիա է իրականացրել Կենտրոնական բանկի դիմաց։

Կարագոզյանը հայտնել է․ «ԿԲ նախագահ Մարտին Գալստյանն ասուլիսի ժամանակ ասաց, որ զեղծարարությունների հետևանքով առաջացած խնդիրների վերաբերյալ քաղաքացիների նկատմամբ կասեցվել են ապօրինի վարկային պահանջները։ Բայց դա չի համապատասխանում իրականությանը։ Մինչ այսօր առկա են քաղաքացիների նկատմամբ վարկային ապօրինի պահանջներ։ Կարծում ենք, որ ԿԲ նախագահը միտումնավոր փորձում է ապակողմնորոշել հասարակությանը։ Բանկերը դիմում են նենգ ու խորամանկ քայլերի, նոտարական հրամաններ են արձակում քաղաքացիների նկատմամբ»։

Կարագոզյանը նշեց նաև, որ Հակակոռուպցիոն կոմիտեից պահանջելու են ուսումնասիրել Մարտին Գալստյանի հայտարարությունները: