«Արմեն Աշոտյանը գործող ռեժիմին պետք չէ ազատության մեջ». Ռուբեն Մելիքյան

«Մենք, հատկապես այս փուլում, չենք տեսնում Արմեն Աշոտյանի տնային կալանքի անհրաժեշտությունը, որովհետև վկաների մեծ մասը հարցաքննվել են, շատ վկաներ կան, որ առհասարակ առնչություն չունեն Արմեն Աշոտյանի հետ նաև իրավաբանական առումով»,-լրագրողների հետ զրույցում ասել է փաստաբան Ռուբեն Մելիքյանը: Մելիքյանը նշել է, որ ՀՀԿ փոխնախագահ Արմեն Աշոտյանի դատական գործընթացը մաքուր իրավական չէ, այն պետք է դիտել քաղաքական տեսանկյունից: «Քաղաքական հետապնդումները ունեն իրենց տրամաբանությունը՝ Արմեն Աշոտյանը գործող ռեժիմին պետք չի ազատության մեջ»,-ընդգծել է փաստաբանը: