«Starlink-ը երբեք չի փակի տերմինալներն Ուկրաինայում». Իլոն Մասկ

Ամերիկացի միլիարդատեր Իլոն Մասկը X սոցիալական ցանցում հայտարարել է, որ չնայած Կիևի քաղաքականության հետ իր անհամաձայնությանը, Starlink արբանյակային ինտերնետ համակարգերը երբեք չեն անջատի իրենց տերմինալներն Ուկրաինայում։
Ավելի վաղ Մասկը հայտարարել էր, որ Starlink համակարգը ուկրաինական բանակի ողնաշարն է, և եթե որոշի անջատել այն, Ուկրաինայի զինված ուժերի առաջնագիծը կփլուզվի։
«Հստակ լինելու համար, որքան էլ ես համաձայն չլինեմ Ուկրաինայի քաղաքականության հետ, Starlink-ը երբեք չի անջատի իր տերմինալները: Ես պարզապես բացատրում եմ, որ առանց Starlink-ի ուկրաինական գծերը (առջևում-խմբ.) կփլուզվեն, քանի որ ռուսները կարող են խլացնել բոլոր այլ հաղորդակցությունները:
Կիրակի օրն ավելի վաղ Լեհաստանի արտաքին գործերի նախարար Ռադոսլավ Սիկորսկին սպառնացել էր փոխարինող գտնել Starlink համակարգի համար, որի դիմաց Վարշավան վճարում է Ուկրաինայի Զինված ուժերի համար, եթե Մասկի SpaceX-ը, պարզվի, անհուսալի մատակարար է։ Մասկը պատասխանել է Սիկորսկու գրառմանը՝ նրան անվանելով «փոքրիկ մարդ» և ասելով, որ Starlink արբանյակային ինտերնետ համակարգին փոխարինող չկա: