Հայ հոգևորականները բաց նամակ են հղել աշխարհի քրիստոնյաներին

Աշխարհի հայկական եկեղեցիների միացյալ ներկայացուցիչները միասնաբար դիմել են աշխարհի քրիստոնյաներին՝ Ադրբեջանում պահվող հայ գերիներին անհապաղ ազատ արձակելու հրատապ կոչով:

Տարածված հայտարարությունում ասվում է. «Սիրելի՛ քույրեր և եղբայրներ ի Քրիստոս, Մենք՝ աշխարհի հայկական եկեղեցիների ներկայացուցիչներս, միասնաբար դիմում ենք Ադրբեջանում պահվող հայ ռազմագերիներին ու քաղաքացիական անձանց անհապաղ և անվերապահորեն ազատ արձակելու այս խնդրանքով: Սա պարզապես անմեղ մարդկանց ազատ արձակելու կոչ չէ, այլ, արդարության, արժանապատվության և մարդկության վերականգնման խնդրանք։ Այս անձինք, որոնց ձերբակալել են հակամարտության ընթացքում, ենթարկվում են աներևակայելի տառապանքների, և նրանց շարունակական կալանքը մարդկային պարկեշտության և քրիստոնեական կարեկցանքի բոլոր սկզբունքների ոտնահարում է։ Հանուն մեր ընդհանուր հավատքի՝ մենք այլևս չենք կարող լռել: Հիմա գործելու ժամանակն է: Գերիների նկատմամբ անմարդկային վերաբերմունքը հակասում է մեր հավատքի բուն էությանը: Պետք է վերջ դնել նրանց հանդեպ բռնությանը, տառապանքին ու զրկանքներին: Աշխարհը չի կարող անտարբեր մնալ, քանի դեռ անմեղ մարդիկ գերեվարված են, զրկված արժանապատվությունից և մարդու հիմնարար իրավունքներից։ Այս իրավիճակի լրջությունը հասկանալը չափազանց կարևոր է, քանի որ Արցախի նախկին պետնախարար Ռուբեն Վարդանյանի առողջական վիճակն օրեցօր վատթարանում է։ Ռուբենն այս պահին շարունակում է հացադուլը՝ ի նշան բողոքի ադրբեջանական իշխանությունների կողմից բեմադրված թատերական «դատավարության»։ Ամեն հաջորդող օր չափազանց ծայրահեղ է դարձնում իրավիճակը: Մենք չենք կարող ընդունել և չենք ընդունի այնպիսի ապագա, որտեղ նման անմարդկայնությունը տեղ ունի: Տարածաշրջանի բոլոր ժողովուրդները՝ հայերը, ադրբեջանցիներ, ցանկացած այլ ազգություն, արժանի են խաղաղության։ Այն կառուցվում է արդարության հենքի վրա. խաղաղություն, որտեղ պաշտպանված է յուրաքանչյուր մարդու արժանապատվությունը, որտեղ գոյություն չունեն տառապանքի շղթաներ, և որտեղ յուրաքանչյուր մարդկային հոգի ապրում է ազատության մեջ: Մենք՝ աշխարհասփյուռ հայկական եկեղեցիներս, պահանջում ենք բոլոր ռազմագերիների և քաղաքացիական պահվող անձանց անհապաղ վերադարձն իրենց ընտանիքներ։ Սա զուտ մարդասիրական անհրաժեշտություն չէ, սա բարոյական հրամայական է: Հայ գերիների ազատ արձակումը կարող է բացել նոր էջ, որտեղ առողջացումը կփոխարինի ատելությանը, որտեղ հասկացողությունը կհաղթահարի բաժանարարությանը, որտեղ խաղաղությունը պարզապես երազանք չէ, այլ իրականություն: Մենք կոչ ենք անում կառավարություններին, միջազգային կազմակերպություններին և բոլոր բարի կամքի տեր մարդկանց՝ դատապարտել ցուցադրական այս դատավարությունը՝ որպես քաղաքական և ոչ լեգիտիմ, և ճնշում գործադրել դրանում ներգրավված իշխանությունների վրա՝ վերադարձնելու այս անմեղ մարդկանց իրենց հարազատ տները: Երես մի թեքե՛ք այլոց տառապանքներից: Կանգնե՛ք մեր կողքին: Կանգնե՛ք հանուն արդարության և խաղաղության: Թող որ ճշմարտության, կարեկցանքի ու արդարության լույսն ուղղորդի բոլորիս դեպի մի աշխարհ ուր չկան շղթայվածներ, ուր յուրաքանչյուր մարդկային կյանքն արժեւորված է, ուր խաղաղությունը միմիայն խոսք չէ, այլ՝ ապրող իրողություն:

Անսասան հավատքով ու համերաշխությամբ (ներկայացված են այբբենական կարգով)՝

Հոգեշնորհ Տ. Սարգիս քահանա Աբրահամյան - Մեծի Տանն Կիլիկիո Կաթողիկոսության անդամ

Գուսան վարդապետ Ալճանեան - Ժնևի Սուրբ Հակոբ եկեղեցու հոգևոր հովիվ, Շվեյցարիա

Գերշնորհ Տ․ Նարեկ արքեպիսկոպոս Ալեմեզյան - Հայ Առաքելական Եկեղեցու վարդապետ (Սուրբ Աթոռ Կիլիկիոյ) Մեծի Տանն Կիլիկիոյ Կաթողիկոսություն (Անթիլիաս, Լիբանան)

Տեր Սարգիս քահանա Ակտավուքյան- Սուրբ Խաչ Հայ առաքելական եկեղեցու հովիվ, ավագ քահանա Բեթեսդա, Մերիլենդ, ԱՄՆ

Հովիվ Քերի Աշըգեան - Սբ. Ստեփանոս Հայ Առաքելական Եկեղեցու այցելու հոգևորական, Վինձոր, Օնտարիո, Կանադա

Գերաշնորհ Տ. Տաճատ եպիսկոպոս Աշըգեան - Կաթողիկոսության դիվանապետ

Հոգեշնորհ Տեր Սամուել Աճամյան - Ամենայն Սրբոց Հայ Առաքելական Եկեղեցու հովիվ, Գլենվյու, Իլինոյս

Գևորգ եպիսկոպոս Ասատուրյան - Հայ Կաթողիկե Պատրիրաքական թեմի Էքսարքոս, Դամասկոս, Սիրիա

Գերաշնորհ Տ. Արտակ Արաբյան - Սուրբ Երրորդություն Հայ Առաքելական Եկեղեցու հովիվ, Վուսթեր, Մասաչուսեթս, ԱՄՆ

Արժպ․ Տ. Վրթանես Բաբախանյան - Սրբոց Թարգմանչաց եկեղեցի, Թեհրան, Իրան

Կորյուն եպիսկոպոս Բաղդասարյան - Երուսաղեմի Հայոց Պատրիարքության կալվածոց տեսուչ

Գերաշնորհ Տ․ Նարեկ եպիսկոպոս Բերբերյան - Բրազիլիայի հայոց թեմի առաջնորդ

Վանահայր Առաքել Գադեհճեան- Մեծի Տանն Կիլիկիոյ Կաթողիկոսության միաբանության անդամ

Հոգեշնորհ Տ․ Հակոբ Գյադայան - Սբ. Գևորգ Հայ Առաքելական եկեղեցու հովիվ, Լավալ դես Ռապիդես, Քվեբեկ, Կանադա

Հոգեշնորհ Տ․ Օշական վարդապետ Գյուլգուլյան - Իրաքի Հայոց թեմի առաջնորդ

Հոգեշնորհ Տ. Սիփան քահանա Գրիգորյան - Մայր Աթոռ Սուրբ Էջմիածնի ընդհանուր բաժնի տնօրեն, Հայաստան

Հոգեշնորհ Տ․ Վահան Գույումճեան - Սուրբ Խաչ Հայ Առաքելական Եկեղեցու հովիվ, Թրոյ, Նյու Յորք, ԱՄՆ

Հոգեշնորհ Տ․ Հրանտ Գևորգյան - Սբ. Սարգիս Հայ Առաքելական Եկեղեցու հովիվ, Դիըբորն, Միչիգան, ԱՄՆ

Գերաշնորհ Տեր Անուշավան արքեպիսկոպոս Դանիելյան- Հայ Առաքելական եկեղեցու Կիլիկյան կաթողիկոսության ԱՄՆ Արեւելյան թեմի առաջնորդ

Գերաշնորհ Տ․ Մաշտոց վարդապետ Զահթերեան – Հայ կաթողիկե եկեղեցու Բուդապեշտի պատրիարքական թեմի օգնական

Հոգեշնորհ Տ. Թեոդորոս ծայրագույն վարդապետ Զաքարյան - Երուսաղեմի Հայոց Պատրիարքության գործադիր ժողովի ատենապետ

Գերաշնորհ Տ․ Հրանտ Թահանյան - Սբ. Ստեփանոս Հայ Առաքելական Եկեղեցու հովիվ, Ուոթերթաուն, Մասաչուսեթս, ԱՄՆ

Գերապատիվ Տ. Պողոս Ծ. Վրդ. Թինքճեան - Սբ. Գրիգոր Լուսավորիչ Հայ Առաքելական Եկեղեցու հովիվ- Ֆիլադելֆիա, ԱՄՆ

Տեր Սեպուհ քահանա Թոքաջյան - Սբ. Պողոս Հայ Առաքելական Եկեղեցու այցելու հովիվ, Օնտարիո, Կանադա

Գերաշնորհ Տ․ Սերովբե եպիսկոպոս Իսախանյան - Գերմանիայի Հայոց թեմի առաջնորդ

Հոգեշնորհ Տեր Մեսրոպ Լակիսյան - Սբ. Լուսավորիչ Հայ Առաքելական Մայր տաճարի հոգևոր հովիվ, Նյու Յորք

Հոգեշնորհ Տ․ Նարեկ վարդապետ Լուիսյան - Զմմառի Հայ Կաթողիկե եկեղեցի, Լիբանան

Հոգեշնորհ Տեր Մաշտոց Խաչատրյան - Սբ. Վարդանանց եկեղեցի, Թեհրան, Իրան

Հոգեշնորհ Տ. Սարգիս Խոսրովյան - Սրբոց Թարգմանչաց եկեղեցի, Թեհրան, Իրան

Հոգեշնորհ Տ․ Սահակ քահանա Խոսրովյան - Սբ. Սարգիս տաճար, Թեհրան, Իրան (Իրան)

Ենթասարկավագուհի Լիոդա Խոսրովյան – Թեհրանի Սբ. Սարգիս տաճար (Իրան)

Գերաշնորհ Տ. Տաթև եպիսկոպոս Հակոբյան – Ռումինիայի Հայոց թեմի առաջնորդ և Բուլղարիայի հայոց թեմի առաջնորդական տեղապահ

Հոգեշնորհ Տ․ Խաչատուր Հարությունյան - Սրբոց Թարգմանչաց եկեղեցի, Թեհրան, Իրան

Գերաշնորհ Տ․ Աբգար Եպիսկոպոս Հովակիմյան- Կանադայի Հայոց թեմի առաջնորդ

Էդվիս ենթասարկավագ Հովնանյան - Սբ. Գրիգոր Լուսավորիչ եկեղեցի, Թեհրան, Իրան

Հոգեշնորհ Տ․ Գարնիկ Հովսեփյան - Սբ. Հովսեփ հայ կաթողիկե եկեղեցի, Ղամիշլի, Սիրիա

Գերաշնորհ Տ. Աշոտ Եպիսկոպոս Մնացականյան - Եգիպտոսի Հայոց թեմի առաջնորդ

Արժ. Տ. Դանիէլ քհն. Մանճիկեան - Սբ. Գրիգոր Լուսավորիչ Հայ Առաքելական Եկեղեցու հովիվ, Գրենիթ Սիթի, Իլինոյս, ԱՄՆ

Սարկավագուհի Ա. Քրիստի Մանվելյան - Սբ. Սարգիս տաճար, Թեհրան, Իրան

Գերաշնորհ Տ․ Պետրոս եպիսկոպոս Մանուելյան - Քուվեյթի եւ Շրջակայից Հայոց Թեմի կաթողիկոսական փոխանորդ

Հովակիմ եպիսկոպոս Մանուկյան - Մեծ Բրիտանիայի և Իռլանդիայի Հայոց թեմի առաջնորդ

Հոգեշնորհ Տ. Նշան Մանուկյան - Սբ. Նշան Հայ Առաքելական Եկեղեցու հովիվ, Քեմբրիջ, Օնտարիո, Կանադա

Ենթասարկավագուհի Անագէ Մարգարյան - Սրբոց Թարգմանչաց եկեղեցի, Թեհրան, Իրան

Գերաշնորհ Տ․ Վազգեն արքեպիսկոպոս Միրզախանյան - Մայր Աթոռի Եկեղեցական Հայեցակարգային հարցերի գրասենյակի տնօրեն

Ենթասարկավագ Արմոնդ Մովսիսյան- Սրբոց Թարգմանչաց եկեղեցի, Թեհրան, Իրան

Արժ. Տեր Տաթեւ Ա. Քհնյ. Միքայելյան- Սբ. Աստվածածին Հայ Առաքելական Եկեղեցու հովիվ, Վիլլոուդեյլ, Օնտարիո, Կանադա

Տեր Սամվել վարդապետ Մխիթարյան - Հաղարծին վանքի վանահայր

Միքայել եպիսկոպոս Մուրադյան - ԱՄՆ-ի և Կանադայի Կաթոլիկ թեմի առաջնորդ

Գերպծ. Հ. Նարեկ Թ. Ծ. Վ. Նաամոյեան - Երուսաղեմի և Ամմանի Պատրիարքական Էքսարքոս (Հորդանան) և Ղամիշլիի եկեղեցու քահանա (Սիրիա)

Հոգեշնորհ Տ․ Գաբրել Նազարյան - Սբ. Վարդանանց Հայ Առաքելական Եկեղեցու հովիվ, Պրովիդենս, Ռոդ Այլնդ, ԱՄՆ

Գերաշնորհ Տ․ Արմաշ եպիսկոպոս Նալբանդյան- Դամասկոսի Հայոց թեմի առաջնորդ

Հոգեշնորհ Տ․ Գուրգեն Ներսիսյան - Սբ. Գրիգոր Լուսավորիչ եկեղեցի, Թեհրան, Իրան

Հոգեշնորհ Տ․ Գրիգորիս Ներսեսյան - Սբ. Գրիգոր Լուսավորիչ եկեղեցի, Թեհրան, Իրան

Գերաշնորհ Տ․ Զավեն Նաջարյան - Մեծի Տանն Կիլիկիոյ Կաթողիկոսության «Խորեն Այբ կենտրոնի» տնօրեն

Գերաշնորհ Տ․ Վարդան եպիսկոպոս Նավասարդյան- Բալթյան երկրների և Շվեդիայի Հայոց թեմի առաջնորդ

Արթին սարկավագ Շահբազյան - Սբ. Գրիգոր Լուսավորիչ եկեղեցի, Թեհրան, Իրան

Գերաշնորհ Տ. Առեն Եպիսկոպոս Շահենյան- Արգենտինայի Հայոց թեմի առաջնորդ (Սուրբ Գրիգոր Լուսավորիչ տաճար)

Հոգեշնորհ Տ․ Արիստակես Շահմիրյան- Սբ. Սարգիս տաճար, Թեհրան, Իրան

Հոգեշնորհ Տ․ Արտավազդ վարդապետ Շառոյան- Անթիլիասի «Կիլիկիո» թանգարանի համակարգող

Հոգեշնորհ Տեր Սահակ Շաքարյան - Տաթևի վանք, Հայաստան

Գերապատիվ Տ․ Գարեգին Ծայրագույն Վարդապետ Շեխերդեմյան - Սբ. Մարիամ Աստվածածին Հայ Առաքելական Եկեղեցու Հոգևոր դեկան, Ուիլոուդեյալ, Օնտարիո, Կանադա

Հոգեշնորհ Տ. Պարույր վրդ․ Շերնեզյան- Մեծի Տանն Կիլիկիոյ Կաթողիկոսության դպրեվանքի տեսուչ

Արժ․ Տ. Պետրոս քհն. Շիթիլյան - Սբ. Գրիգոր Հայ Առաքելական Եկեղեցու հովիվ, Ինդիան օրչարդ, Մասաչուսեթս, ԱՄՆ

Գերաշնորհ Տ․ Բաբկեն արքեպիսկոպոս Չարյան - Սբ. Գևորգ Հայ Առաքելական Եկեղեցի, Լավալ դես Ռապիդես, Քվեբեկ, Կանադա

Հոգեշնորհ Տ․ Օշին վարդապետ Չուալերթանյան - Մեծի Տանն Կիլիկիոյ Կաթողիկոսության Մայր Տաճար

Արժպ․ Տ․ Ստեփան քհն․ Պալճեան - Սբ. Գրիգոր Հայ Առաքելական Եկեղեցու հովիվ, Մերիմեք վելի, Հյուսիսային Անդովեր, Մասաչուսեթս, ԱՄՆ

Հոգեշնորհ Տ. Վաչե վրդ․ Պալըքճեան - Սբ. Վարդանանց Հայ Առաքելական Եկեղեցու հովիվ, Ռիջֆիլդ, Նյու Ջերսի, ԱՄՆ

Գերաշնորհ Տ․ Հովակիմ վարդապետ Պանջարջյան - Մեծի Տանն Կիլիկիոյ Կաթողիկոսության Տեղեկատվական բաժանմունքի վարիչ

Գերաշնորհ Տ․ Խաժակ արքեպիսկոպոս Պարսամյան - Արևմտյան Եվրոպայի Հայրապետական ​​պատվիրակ և Սուրբ Աթոռում Հայ Առաքելական Սուրբ Եկեղեցու ներկայացուցիչ

Ենթասարկավագուհի Լալա Պետրոսյան – Թեհրանի Սբ. Գրիգոր Լուսավորիչ եկեղեցի

Տեր Տիրան եպիսկոպոս Պետրոսյան - Կենտրոնական Եվրոպայի և Շվեդիայի Հայրապետական ​​պատվիրակ

Հայր Սերոբ վարդապետ Ջամուրլեան - Մխիթարյան միաբան

Հոգեշնորհ Տեր Մեսրոպ Ռաթևոսյան - Սբ. Գրիգոր Լուսավորիչ եկեղեցի, Թեհրան, Իրան

Ենթասարկավագ Թոնի Սալաթինյան - Սբ. Վարդանանց եկեղեցի, Թեհրան, Իրան

Տեր Զարեհ քահանա Սահակյան - Սբ. Հակոբ Հայ Առաքելական Եկեղեցու այցելու հովիվ, Ռիսին, Վիսկոնսին, ԱՄՆ

Գերաշնորհ Տեր Սեպուհ արքեպիսկոպոս Սարգիսյան - Թեհրանի Հայոց թեմի առաջնորդ

Գերաշնորհ Տ․ Շահան արքեպիսկոպոս Սարգսյան – Մեծի Տանն Կիլիկիոյ Կաթողիկոսարանի «Կիլիկիա» գրադարանի և հին ձեռագրերի բաժնի տնօրեն

Տեր Գևորգ Սարկիսյան - Մխիթարյան միաբան

Հոգեշնորհ Տ․ Եզեկել Սելումյան - Մեծի Տանն Կիլիկիո Կաթողիկոսության վանական

Տեր Շավարշ քահանա Սիմոնյան - Տավուշի թեմ, Դիլիջան, Հայաստան

Արամ Արք. Ստեփանյան- Սբ. Ստեփանոս Հայ Առաքելական Եկեղեցու Պատվավոր Հովիվ, (Նյու Բրիտեն, Կոնեկտիկուտ նահանգ, ԱՄՆ)

Տարոն Արք. Ստեփանյան - Սբ. Պողոս Հայ Առաքելական Եկեղեցու հովիվ (Վոկիգան, Իլինոյս, ԱՄՆ), Սբ. Հակոբ Հայ Առաքելական Եկեղեցու այցելու հովիվ (Նիագարայի ջրվեժ, Նյու Յորք)

Հոգեշնորհ Տ․ Միքայել Տեր-Խոսրովյան - Սբ. Աստվածածին Հայ Առաքելական Եկեղեցու հովիվ, Ուիթինսվիլ, Մասաչուսեթս, ԱՄՆ

Գերաշնորհ Տ․ Ավետիք Տեր-Կարապետյան- Մեծի Տանն Կիլիկիո Կաթողիկոսության ճեմարանի տեսուչ

Տեր Հովնան արքեպիսկոպոս Տերտերյան - ԱՄՆ-ում Հայոց արևմտյան թեմի առաջնորդ

Տեր Նարեկ քահանա Տերտերյան - Սբ. Սարգիս Հայ Առաքելական Եկեղեցու ավագ քահանա, Դուգլաստոն, Նյու Յորք, ԱՄՆ

Դոկտ. Մայքլ Փափազյան - Կրոնի և փիլիսոփայության պրոֆեսոր, Բերիի քոլեջ, Ջորջիա, ԱՄՆ

Գերաշնորհ Տ․ Շահե արքեպիսկոպոս Փանոսյան - Լիբանանի Հայոց թեմի առաջնորդ

Գերաշնորհ Տ․ Ստեփանոս Փաշայան - Մեծի Տանն Կիլիկիոյ կաթողիկոսության Քրիստոնեական դաստիարակության բաժնի տնօրեն

Հոգեշնորհ Տեր Տիգրան Փիլիպպոս - Զմմառի Հայ Կաթողիկե եկեղեցի, Լիբանան

Հոգեշնորհ Տ․ Անդրանիկ Քյուրումյան- «Թռչոց բույն» մանկատան տեսուչ- Մեծի Տանն Կիլիկիոյ կաթողիկոսություն

Հոգեշնորհ Տ․ Արտակ Քեհեայան - Սբ. Վարդանանց եկեղեցու Հոգեւոր Հովիվ, Քուվեյթ

Գերաշնորհ Տ․ Էլիաս Քիրեճեան - Սուրբ Գրիգոր Լուսաւորիչ եկեղեցի, Տորոնտո, Կանադա

Հոգեշնորհ Տ․ Կարո Քելենճեան - Հայ կաթողիկե եկեղեցու Զմմառի վանք, Լիբանան

Հոգեշնորհ Տ․ Հակոբ Քեշիշյան - Սբ. Մարիամ Աստվածածին եկեղեցի, Թեհրան, Իրան

Հայր Համազասպ Քեշիշյան- Մխիթարյան միաբանության միաբան և Մխիթարյան ճեմարանի ռեկտոր

Գերպատիվ Գեղարդ Տ․ Ծայրագույն Վարդապետ Քոսբակյան- Սբ․ Նշան Հայ Առաքելական Եկեղեցու Հոգևոր դեկան, Քեմբրիջ, Օնտարիո, Կանադա

Հոգեշնորհ Տ․ Ազատ Աբղ․ Ֆիլիկեան - Մեծի Տանն Կիլիկիոյ Կաթողիկոսութեան դպրեվանքի տեսուչ

Տեր Վահան Օհանյան - Մխիթարյան միաբան