ՌԴ-ից Երևան մեծ քանակությամբ կոնյակի շշեր տեղափոխող բեռնատարը այրվել է

Այսօր՝ մարտի 10-ին, խոշոր հրդեհ է տեղի ունեցել Լոռու մարզում: Ժամը 22:30-ի սահմաններում ՀՀ Ներքին գործերի նախարարության Ոստիկանության Պարեկային ծառայության Լոռու մարզի գումարտակում տեղեկություններ են ստացվել, որ Վանաձոր-Ալավերդի ավտոճանապարհի՝ ժողովրդին հայտնի «Սատանի կամրջի» մոտակայքում բեռնատար է այրվում։

Ինչպես հայտնում է ֆոտոլրագրող Գագիկ Շամշյանը, որ հրդեհը բռնկվել է Լոռու մարզի բնակիչ 56-ամյա Արամ Սարգսյանի կողմից վարած «Iveco» մակնիշի բեռնատարում։

Կրակն ու ծուխը տեսանելի էին մի քանի հարյուր մետրից։

Պարզվել է, որ դեռևս անհայտ հանգամանքներում հրդեհը բռնկվել է Ռուսաստանի Դաշնությունից Երևան մեծ քանակությամբ կոնյակի շշեր տեղափոխող բեռնատարում։

Ըստ նախնական տեղեկությունների՝ բարեբախտաբար տուժածներ չկան։