Զելենսկու հասցեին Թրամփի կտրուկ քննադատությունը վկայում է նոր աշխարհակարգի ձևավորման մասին․ #WSJ

Իր պաշտոնավարման չորս շաբաթվա ընթացքում ԱՄՆ նախագահ Դոնալդ Թրամփը կտրուկ փոխել է ԱՄՆ արտաքին քաղաքականության ուղեգիծը՝ հետ կանգնելով գլոբալ պարտավորություններից, ինչը կարող է հիմնովին փոխել Ամերիկայի հարաբերություններն աշխարհի հետ, գրում է The Wall Street Journal-ը։

Հրատարակությունն ընդգծել է, որ Ուկրաինայի նախագահ Վլադիմիր Զելենսկու հասցեին Թրամփի կտրուկ քննադատությունները ազդարարում են նոր աշխարհակարգի ձևավորումը։

«Քչերն էին ակնկալում, որ նա կգործի այդքան արագ՝ վերափոխելու ԱՄՆ-ի 1945 թվականից ի վեր որդեգրած արտաքին քաղաքականությունը»,- ասվում է հրատարակության մեջ։

Երկրորդ համաշխարհային պատերազմի ավարտից ի վեր Միացյալ Նահանգները, առավել քան ցանկացած այլ երկիր, ստանձնել է ազատ առևտրի և կայունության գլոբալ երաշխավորի դերը, առաքելություն, որով նա հակազդում էր նախ Խորհրդային Միությանը, իսկ վերջերս՝ Չինաստանին։

«Թրամփն այլ տեսակետ ունի՝ դաշնակիցներն ավելին են վերցնում, քան տալիս են: Թրամփն արտաքին քաղաքականության շատ ավելի գործարքային, շահող-կորցնողի տեսլական ունի», - գրում է WSJ-ն։