«Լևոն Տեր-Պետրոսյան ունենալը մեր պատմության համար բացառություն էր». Թաթուլ Հակոբյան

Լրագրող Թաթուլ Հակոբյանը ֆեյսբուքյան իր էջում տեղադրել է ՀՀ առաջին նախագահ Լևոն Տեր-Պետրոսյանի ելույթը՝ ՀՀՇ 7-րդ համագումարի ժամանակ (23 դեկտեմբեր, 1995թ.) ու գրել հետևյալը. «Հայ քաղաքական մտածողությունը, այդուհանդերձ, չպետք է ունենար Լևոն Տեր-Պետրոսյան:
Դա մեր պատմության համար բացառություն էր, ինչպես օրինակ բացառություն էր հարյուր տարի առաջ, որոշ շրջանում առաջին վարչապետ Քաջազնունին:
Մենք պետք է ունենայինք անպատասխանատու, ձևով ազգային՝ էությամբ փողամոլ, արտաքինից սիրուն՝ էությամբ վախկոտ ու ցինիկ, միշտ դուխով, բայց պրովինցիալ իշխանություններ, որոնք աղետ ու արհավիրք պիտի բերեին մեր ժողովրդին, բայց հատկապես Հայաստանին»: