ԵԽԽՎ նախագահը Կոբախիձեին կոչ է արել հետ կանգնել Զուրաբիշվիլիին ձերբակալելու մտադրությունից

ԵԽԽՎ նախագահ Թեոդորոս Ռուսոպուլոսը կոչ է արել Վրաստանի վարչապետ Իրակլի Կոբախիձեին՝ հետ կանչել Սալոմե Զուրաբիշվիլիին ձերբակալելու մտադրության մասին հայտարարությունը և հարգել Եվրոպայի խորհրդի սկզբունքները։ «Ես կցանկանայի վարչապետ Կոբախիձեին հիշեցնել, որ նրա երկիրը Եվրոպայի խորհրդի անդամ է։ Սալոմե Զուրաբիշվիլիի հասցեին հնչեցրած ուղղակի սպառնալիքը, թե նա կձերբակալվի, երբ դեկտեմբերի 29-ին մանդատի ժամկետը լրանա, անընդունելի է և հակասում է ժողովրդավարության և օրենքի գերակայության սկզբունքներին»,- ասել է նա: