«Բոլորը ծիծաղում են «Ակադեմիական քաղաք» ծրագրի վրա»․ Արամ Մանուկյան

«Այսօրվա մեր հասարակությունը բաժանվեց սև ու սպիտակի, ունենք ցանցառ, ծվատված հասարակություն, որը չգիտի՝ որն է ճանապարհը»,- այսպիսի հայտարարություն արեց «Հայ Ազգային կոնգրես» կուսակցության փոխնախագահ Արամ Մանուկյանը «Կենտրոն» հեռուստաալիքի եթերում։ Նա ասաց, որ էսօրվա կրթությունը ամբողջությամբ խեղճացած, ռեցիսիվ վիճակում է, որին նույնիսկ ֆիզիկապես ուզում են տանել Ակադեմիական քաղաք, հեռու, կենտրոնում չլինի, այնինչ ուսանողությունը պետք է կենտրոնում լինի, անգամ թամանյանական Երևանը կառուցվել է այնպես, որ գրադարանը, Մատենադարանը, համերգասրահները, ինստիտուտները, երիտասարդները լինեն մեկտեղ և ծաղկացնեն, շունչ տան։
«Հիմա բորոտի նման ամբողջ կրթությունը ուզում են տեղափոխել մի տեղ, բացարձակ կոնցեպտ չկա»,- նշեց Մանուկյանը և հավելեց, որ Ակադեմիական քաղաքի կառուցման ծրագիրը չի իրականանալու․ ինքը շփվում է բոլոր ԲՈՒՀ-երի տարբեր դասախոսների, ղեկավարների հետ, բոլորը խնդում ու ծիծաղում են այդ ծրագրի իրականացման վրա։
«Սրանով մտավորականությանը մի կողմ են գցել, մտավորականն էլ ձեն չի հանում»,- արձանագրեց բանախոսը՝ շեշտելով, ստեղծագործական միությունների շենքերը իշխանությունները ուզում են վերցնել։
Զրույց ամբողջությամբ՝ տեսանյութում