Ի պատասխան Կիևը հրթիռակոծել է Ռիլսկի շրջանը. կան զոհեր

Ուկրաինացի զինվորականները հրթիռներ են արձակել ՌԴ Կուրսկի շրջանի Ռիլսկ քաղաքի ուղղությամբ, RIA Novosti-ին հայտնել է Ռիլսկի շրջանի ղեկավար Անդրեյ Բելոուսովը։

«Կան վիրավորներ։ Մենք դեռ հստակ չգիտենք, թե որքան: Սոցիալական օբյեկտները... Քաղաքը զանգվածային հրթիռակոծման ենթարկվեց»,- ասել է նա: Բելոուսովի խոսքով, ընդհանուր առմամբ, գրանցվել է մոտ 15 հարված։ Ռուսական Telegram-ի որոշ ալիքների համաձայն՝ Ռիլսկը խոցվել է 6 ATACMS հրթիռներով, իսկ մյուսները խոցվել են HIMARS բազմակի հրթիռային համակարգով՝ կիրառելով ավելի քան 13 արկ: Հինգ խաղաղ բնակիչ վիրավորվել է։

Տեղի բնակիչները նկարահանել են քաղաքում բռնկված հրդեհների կադրերը։ Baza-ն գրում է հինգ զոհի մասին. Ռուսաստանի Դաշնության Քննչական կոմիտեն և Կուրսկի շրջանի ղեկավար Ալեքսանդր Խինշտեյնը նույնպես հայտնել են մահացածների մասին՝ հստակ թիվ չնշելով:

Հիշեցնենք, որ դեկտեմբերի 20-ի առավոտյան ռուս զինվորականները բալիստիկ հրթիռային հարված են հասցրել Կիևին։ Ուկրաինայի մայրաքաղաքի իշխանությունների տվյալներով՝ հարձակման հետևանքով մեկ մարդ է զոհվել, ևս 10-ը՝ վիրավորվել։ ՌԴ-ի պաշտպանության նախարարությունը հայտարարել է, որ «հեռահար գերճշգրիտ զինատեսակներով» հարված է հասցվել Կիևի Լուչի նախագծային բյուրոյին և «ԶՈՒ-ի հրամանատարական կետին»։