«Մեծ է Հովիկ Աղազարյանից «Հով Քիշոտ» կերտելու գայթակղությունը»․ Հակոբ Բադալյան

Քաղաքական մեկնաբան Հակոբ Բադալյանի ֆեյսբուքյան գրառումը․ «Ի՞նչ ասել Հովիկ Աղազարյանի առնչությամբ, որը հայտարարել է, որ մերժում է մանդատը վայր դնելու վերաբերյալ Նիկոլ Փաշինյանի «խնդրանքը»:

Իհարկե, քանի որ մեր հասարակական-քաղաքական անտուրաժը մշտապես հագեցած է եղել գերազանցապես հուզականությամբ, բնականաբար, շատ մեծ է Հովիկ Աղազարյանից «Հով Քիշոտ» կերտելու գայթակղությունը, որը միայնակ դեմ է գնում մի ամբողջ համակարգի:

Ինքս, համարում եմ, որ գործ ունենք բոլորովին այլ տրամաբանության հետ: Իհարկե, ես երբեք չեմ ունեցել և չունեմ անառարկելիության սինդրոմ, հնարավոր է և սխալվում եմ, բայց ըստ իս՝ Աղազարյանը գործնական առումով չի «մերժել» Փաշինյանին, այլ հակառակը՝ բավարարել է նրա քաղաքական ավելի խորքային մոտիվները:

Ինչո՞ւ եմ մտածում այդպես: Դրա մասին բավականին մանրամասն գրել եմ դեռևս նոյեմբերի 24-ին՝ Նիկոլ Փաշինյանի հարցազրույցից հետո»: