Ստամբուլում մեկնարկել է «3+3» ձևաչափով հանդիպումը

Ստամբուլում մեկնարկել է «3+3» տարածաշրջանային խորհրդատվական հարթակի երրորդ հանդիպումը՝ ՀՀ արտաքին գործերի նախարար Արարատ Միրզոյանի մասնակցությամբ։

Հանդիպմանը մասնակցում են նաև Ադրբեջանի, Իրանի, Ռուսաստանի և Թուրքիայի արտգործնախարարները։

Թուրքական կողմն ավելի վաղ մանրամասներ էր հայտնել հանդիպման օրակարգի վերաբերյալ։

РИА Новости-ի հաղորդմամբ այսօր նախատեսված է նաև Թուրքիայի նախագահ Ռեջեփ Թայիփ Էրդողանի հանդիպումը Ռուսաստանի, Ադրբեջանի, Հայաստանի և Իրանի ԱԳ նախարարների հետ՝ ՀՀ ժամանակով ժամը 17:00-ին, Ստամբուլի Դոլմաբահչեի նախագահական նստավայրում։ Այն փակ է լինելու լրատվամիջոցների համար։