«Արդեն կորել է հաշիվը, թե այս կոմիտեն վերջին տարիներին քանի նախագահ է «փոխել»»․ Հակոբ Բադալյան
Քաղաքական մեկնաբան Հակոբ ԲԱդալյանի թելեգրամյան գրառումը․ «Հայաստանում նշանակվել է ռազմաարդյունաբերական կոմիտեի նոր նախագահ: Արդեն թերևս կորել է հաշիվը, թե այս կոմիտեն վերջին տարիներին քանի նախագահ է «փոխել»: Նոր նախագահի մասին հաղորդագրության մեջ տպավորիչ է նրա մասնագիտական-գիտական բնութագիրը: Ռազմաարդյյունաբերական կոմիտեի նոր նախագահը մաթեմատիկոս է: Չեմ նշում անուն ազգանունը, որովհետեւ գրառումս բոլորովին անձի մասին չէ: Նոր նախագահին բնականաբար պետք է մաղթել արդյունավետ և հաջող աշխատանք, քանի որ նրա աշխատանքային հաջողությունը լինելու է պետական հաջողություն: Պարզապես մի բարձրաձայն հարցադրում՝ ռազմաարդյունաբերական կոմիտեն, որի ենթադրյալ նպատակը պետք է լինի ռազմական արդյունաբերության համակարգային կազմակերպումն ու զարգացումը, նախագայի պաշտոնի համար պահանջում է մաթեմատիկոս գիտնականի՞, թե՞ ավելի շատ՝ բազմափորձ և հմուտ կառավարչի հատկանիշ և առավել ևս մասնագիտացում: Չէ՞ որ կոմիտեի նախագահի խնդիրը պետք է լինի ռազմական արդյունաբերության համակարգի կազմակերպումը, այլ կերպ ասած՝ ըստ էության արդյունաբերական մի մեծ առանձին ճյուղի կազմակերպում: Ես որևէ կերպ չեմ բացառում, որ նորանշանակ նախագահը ունենա այդ հատկանիշները, թեկուզ չունենալով համապատասխան մասնագիտացում կառավարման կամ տնտեսության կազմակերպման ոլորտում, և հաջողի: Դա միմիայն ցանկալի և ողջունելի է: Պարզապես, չստացվի այնպես, որ երկար ժամանակ փնտրելով կադր այդ պաշտոնի համար՝ իսկ պաշտոնը թափուր էր տևական ժամանակ, և դարձյալ կանգնելով կադրային ճգնաժամի առաջ՝ ինչպես ներկայիս կառավարող մեծամասնության պարագայում բնորոշ է գրեթե բոլոր ոլորտների առումով, նշանակվել է անձ, ելնելով նրա մասնագիտական-գիտական տպավորիչ բնութագրից՝ ավելի շուտ սոցցանցային-տեղեկատվական էֆեկտ ստանալու հաշվարկով: Այլ դեպքում կա հավանականություն, որ նոր նշանակված նախագահը պարզապես կլինի կոմիտեի համար հերթականը, իսկ Հայաստանի ռազմաարդյունաբերական համալիր ասվածը այդպես էլ կմնա ավելի շատ «կոոպերատիվ շարժմանը» բնորոշ մակարդակում: Եվս մեկ անգամ, հաջողություն եմ մաղթում նորանշանակ նախագահին, կրկնելով, որ դա կլինի պետության հաջողությունը»: Աղբյուրը` Հակոբ Բադալյան |
«Բա ոնց չասես՝ գետինը մտնե՛ք, այ…»․ Ռուբեն Հակոբյան
023:06«Ըստ Օրբելյանի՝ Ալիևը ճի՞շտ է, որ մեր Սահմանադրությամբ իրենից հող ենք ուզում»․ Պետրոս Ղազարյան
2022:42«Էլիտան ու «մուննաթը» պետք է լինեն «գենետիկորեն անհամատեղելի»»․ Հակոբ Բադալյան
2322:24«Հակոբիկ, ես էլ կցանկանամ՝ եղած-չեղածդ հավաքես ու ռադդ քաշես ԱԺ-ից»․ Գագիկ Համբարյան
2822:06«2025-ին պարտադրանքը Ադրբեջանից է լինելու»․ Ոսկան Սարգսյան
2721:12«Շատ կուզեի, որ Բագրատ Սրբազանը հավաքեր իր եղած-չեղածն ու գնար իր հոգևոր դաշտը»․ Հակոբ Ասլանյան
3921:00