«Որպես հասարակություն` պետք ա պատրաստ լինենք էս ամենին». Սամվել Հայրապետյան

Ծրագրավորող Սամվել Հայրապետյանը ֆեյսբուքյան իր էջում գրել է. «Հայերս, կարծում եմ, որ մոտ օրերս ադրբեջանը թույլ կտա, որ Արցախի խաղաղ բնակչությունը դուրս գա Հակարիի կամրջի անցակետով։ Ու քանի որ էդ մարդկանց մեծ մասը նույնիսկ հագուստ չեն ունենալու, ապա մենք՝ գիտակից հասարակությունս պետք ա շատ արագ մի ալգորիթմ կազմենք, որպեսզի կարողանանք էդ մարդկանց օգնել։
Սկզբի համար մեզ հարկավոր կլինի ազատ տների կամ բնակարանների բազա, որպեսզի իմանանք, թե էդ մարդկանց որտեղ կարող ենք տեղավորել, նաև գումար, որպեսզի կարողանանք էդ մարդկանց սնունդով, հագուստով, դեղորայքով ու կեցության վայրով ապահովել։
Բնականաբար, էդ մարդիկ Հայաստան մտնելու հաջորդ օրվանից չեն կարող աշխատանք գտնել ու աշխատել։ Պետք ա հնարավորինս խելացի մոտենանք էս հարցին։ Էդ մարդկանց ժամանակ ա պետք գալու, որպեսզի դուրս գան էդ հոգեբանական ծանր վիճակից ու սթրեսներից՝ երկրի ու հարազատների կորուստ, տան կորուստ, աշխատանքի կորուստ, ամեն ինչի կորուստ։
Անկեղծ ասած՝ չգիտեմ, թե կառավարությունն ինչ որոշեց ու ինչ պլաններ ունի, բայց մենք՝ որպես հասարակություն, պետք ա պատրաստ լինենք էս ամենին։
Այսպիսով ես ամբողջ գիշեր կփորձեմ կազմել էդ ճանապարհային քարտեզը։ Տեսնենք ինչ ա լինում։ Ոնց Բենջամին Բաթնն ա ասել՝ մենք պետք ա ընդամենը մեկ բանի պատրաստ լինենք, իսկ էդ մեկ բանը՝ ամեն ինչն ա»։