Գասպար Տերտերյանը՝ երիտասարդների աշխարհի փոխչեմպիոն

Հորդանանի մայրաքաղաք Ամմանում անցկացվող հունահռոմեական ոճի ըմբշամարտի աշխարհի երիտասարդական առաջնությունում Գասպար Տերտերյանը նվաճեց արծաթե մեդալ:

67 կգ քաշայինների եզրափակչում երիտասարդների Եվրոպայի բրոնզե մեդալակիրը գոտեմարտեց Եգիպտոսի ներկայացուցիչ Մուստաֆա Հուսեյն Ֆաթիհ Ալամելդինի հետ և պարտվեց 2:4 հաշվով:

Հայաստանի հավաքականից աշխարհի չեմպիոնի կոչումն, ինչպես հայտնել ենք, նվաճեց 60 կգ քաշային Սուրեն Աղաջանյանը: Բրոնզե մեդալակիր է դարձել 2022 թվականի երիտասարդների աշխարհի չեմպիոն Վիգեն Նազարյանը:

Հայաստանի հավաքականի բրոնզե մեդալի գոտեմարտեր կանցկացնեն 82 կգ քաշային Ռուբեն Գեւորգյանը և 97 կգ քաշային Արշակ Գեղամյանը: