Ծանրամարտի Հայաստանի հավաքականի կազմը՝ Երևանում կայանալիք Եվրոպայի առաջնությունում

Կարեն Դեմիրճյանի անվան մարզահամերգային համալիրում ապրիլի 14-ի երեկոյան տեղի կունենա ծանրամարտի Եվրոպայի առաջնության բացման հանդիսավոր արարողությունը:
Ծանրամարտի Եվրոպայի առաջնությունից հաշված օրեր առաջ Հայաստանի հավաքականների գլխավոր մարզիչներ Փաշիկ Ալավերդյանը (տղամարդկանց) և Արտաշես Ներսիսյանը (կանանց) արդեն հրապարակել են թիմերի կազմերը: Տեղեկանում ենք Հայաստանի ազգային օլիմպիական կոմիտեից։

Տղամարդկանց հավաքականում հանդես կգան Գոռ Սահակյանը(67 կգ), Ռաֆիկ Հարությունյանը (81 կգ), Անդրանիկ Կարապետյանը (89 կգ), Դավիթ Հովհաննիսյանը, Արա Աղանյանը (96 կգ), Գարիկ Կարապետյանը (102 կգ), Սամվել Գասպարյանը, Պետրոս Պետրոսյանը (109 կգ), Վարազդատ Լալայանը, Սիմոն Մարտիրոսյանը (+109 կգ):

Կանանց հավաքականում հանդես կգան 55 կգ քաշային կարգում Իզաբելա Յայլյանը, Ալեքսանդրա Գրիգորյանը, 64 կգ քաշային կարգում Անուշ Արշակյան, 76 կգ՝ Տաթև Հակոբյանը, Էմմա Պողոսյանը, 81 կգ քաշային կարգում Աննա Ամրոյանը, Լիանա Գյուրջյանը, 87 կգ՝ Հռիփսիմե Խուրշուդյանը, Մարգարիտա Առաքելյանը, +87 կգ քաշային կարգում՝ Ջուլիետա Ավանեսյանը: