Ֆինլանդիայում ապամոնտաժել են վերջին Լենինին

Ֆինլանդիայի Կոտկա քաղաքում հոկտեմբերի 4-ին ապամոնտաժվել է Վլադիմիր Լենինի վերջին հուշարձանը։ Արձանը հեռացվել է հանրային տարածքից, սակայն կպահվի հետաքրքրասեր սերունդների համար, հաղորդում են ռուսական լրատվամիջոցները:

«Լենինը Կոտկայում» քանդակն էստոնացի նկարիչ Մատի Վարիկի ստեղծագործությունն է և նվիրաբերվել է քաղաքին 1979 թվականին քույր քաղաքի՝ Տալլինի կողմից: Առաջնորդի արձանը տեղադրվել էր Հյուսիսային զբոսայգում:

Երեքշաբթի օրը հուշարձանը տեղափոխվել է Կիմենլաակսոյի թանգարանի շտեմարան։