Երևան`   +8 °C
Այսօր`   Ուրբաթ, 20 նոյեմբերի, 2026 թ.

«Որպեսզի երկիրը մեկընդմիշտ մաքրվի թալանչիությունից ու թալանչիներից, պետք է մեկ անգամ տեղի ունենա մեծ դատաստան»․ Հմայակ Հովհաննիսյան

884
Շաբաթ, 11 ապրիլի, 2020 թ., 10:25
«Որպեսզի երկիրը մեկընդմիշտ մաքրվի թալանչիությունից ու թալանչիներից, պետք է մեկ անգամ տեղի ունենա մեծ դատաստան»․ Հմայակ Հովհաննիսյան

Հայաստանի քաղաքագետների միության նախագահ Հմայակ Հովհաննիսյանը ֆեյսբուքյան իր էջում գրել է. «Եթե Սերժիկ Սարգսյանից, Մխչյանի Մուկ մականվամբ Հովիկ Աբրահամյանից, Դոդի Գագոյից, Լֆիկից, Ֆլեշի Բարսեղից, Միհրան Պողոսյանից, Գագիկ Խաչատրյանից և մյուս մեծ ու փոքր ավազակապետերից առգրավվեն և ամբողջությամբ հանձնվեն պետական գանձարան երկրից թալանված նյութական միջոցները, ապա ներկա և հաջորդ բոլոր վարչախմբերը չեն համարձակվի այլևս գրպանել ազգի ունեցվածքը: Որպեսզի երկիրը մեկընդմիշտ մաքրվի թալանչիությունից ու թալանչիներից, պետք է մեկ անգամ տեղի ունենա Մեծ Դատաստան: Կուզե՛ք այդ Դատաստանն անվանեք անցումային արդարադատություն, կուզե՛ք անվանեք սորոսականների քիմքին ավելի հաճո արտասահմանյան վեթինգ բառով, բայց գողապետությունից և գողերից մեկընդմիշտ ազատվելու միայն մեկ ելք կա՝ գողերի ձեռքերը կտրելն ու գողացածը հետ բերելն է այդ ելքը: Եվ դա պետք է արվի օրինական եղանակով՝ միջազգայնորեն ընդունված դատաիրավական նորմերին համապատասխան»: