ՆԱՄ-ում բացվել է Գոռ Արթի՝ «Գլոբալ» խորագիրը կրող ցուցահանդեսը

«Նարեկացի» արվեստի միությունում տեղի է ունեցել Գոռ Արթի (Գոռ Միրիջանյանի)՝ «Գլոբալ» խորագիրը կրող ցուցահանդեսի բացումը:

«Գոռը ներկայացրել է աբստրակտ աշխատանքներ, որոնք բազմաոճ ու բազմաբնույթ են, բայց միևնույն ժամանակ ոճական առանձնահատկությունները խիստ ակնառու են: Այս նկարներում արտացոլված է նաև հեղինակի նուրբ ու հետաքրքիր գունազգացողությունը»,- նշել է «Նարեկացի» արվեստի միության ցուցահանդեսների պատասխանատու Տաթևիկ Համբարձումյանը:

Բազմաթիվ մրցույթների մրցանակակիր Գոռ Արթը (Գոռ Միրիջանյանի) սովորել է Մասիս քաղաքի Արվեստի դպրոցում (1995-1999 թթ.), 2005-ին՝ Փանոս Թերլեմեզյանի անվան Երևանի գեղարվեստի պետական քոլեջում (քանդակի բաժին), 2006-2010 թթ.՝ Երևանի գեղարվեստի պետական ակադեմիայում (քանդակի բաժին), 2008 – 2010 թթ.՝ ԵՊՀ-ի ռոմանո-գերմանական ֆակուլտետում, 2010 – 2011 թթ.՝ Ֆլորենսիայի արվեստների ակադեմիայում (քանդակի, գեղանկարի և ինտերիերի դիզայն):