Մինսկ-2019․ Արթուր Դավթյանը և Վահագն Դավթյանը եզրափակչում են

Բելառուսի մայրաքաղաք Մինսկում ընթացող երկրորդ Եվրոպական խաղերի շրջանակներում պայքարի մեջ մտան սպորտային մարմնամարզիկները։

Հայաստանի ներկայացուցիչ Արթուր Դավթյանը բազմամարտի որակավորման փուլում գրանցեց 83․231 արդյունքը և երկրորդ տեղով դուրս եկավ եզրափակիչ։

Հենացատկում և ազատ վարժությունում Արթուր Դավթյանը գրանցեց 14․450 և 14․200 արդյունքները և կրկին դուրս եկավ այս վարժությունների եզրափակիչ։ Արթուր Դավթյանը 14․133 միավորով 7-րդ տեղն է զբաղեցրել նժույգթափերի վրա վարժություններում և ստացել է առաջին պահեստայինի կարգավիճակը։

Օղակների վրա վարժություններում մեր մյուս ներկայացուցիչներից Վահագն Դավթյանը գրանցեց 14․500 արդյունքը, Արթուր Թովմասյանը՝ 14․400 միավոր։ Առանձին վարժությունների եզրափակչում յուրաքանչյուր երկիր կարող է ունենալ միայն մեկ մասնակից, այդ պատճառով Հայաստանը կներկայացնի Վահագն Դավթյանը։