Երևան`   +22 °C
Այսօր`   Կիրակի, 21 հուլիսի, 2019 թ.

«Լոռի»-ն իսպանացի ֆուտբոլիստներ է ձեռք բերել

81
Հինգշաբթի, 27 հունիսի, 2019 թ., 15:25
«Լոռի»-ն իսպանացի ֆուտբոլիստներ է ձեռք բերել

«Լոռի» ֆուտբոլային ակումբը 3 ֆուտբոլիստ է ձեռք բերել։ Ակումբ է տեղափոխվել իսպանացի աջ պաշտպան Քրիստիան Խիմենես Ռոդրիգեսը: 22-ամյա իսպանացին Վանաձոր է եկել իսպանական «Ալկալա» թիմից, որտեղ հանդես է եկել «Լոռի»-ի նորանշանակ գլխավոր մարզիչ Դավիդ Կամպանյայի գլխավորությամբ: Խիմենեսի հետ կնքվել է երկու տարվա պայմանագիր:

Ակումբ է տեղափոխվել ևս մեկ իսպանացի ֆուտբոլիստ՝ ձախ պաշտպան Պեդրո Խուան Ագիլար Մորիլյոն։ 20-ամյա Պեդրոն իսպանական «Կադիս»-ի սան է: Նրա վերջին ակումբը եղել է «Ալկալա»-ն: Նրա հետ կնքվել է երկու տարվա պայմանագիր:

«Լոռի» է տեղափոխվել նաև Հայաստանի երիտասարդական հավաքականի թեկնածու Վարդան Շահատունին: 21-ամյա դարպասապահը Վանաձոր է եկել Երևանի «Փյունիկ»-ից, որտեղ անցկացրել է ամբողջ մանկապատանեկան կարիերան: Շահատունին Հայաստանի Մ17 հավաքականի կազմում մասնակցել է 6, Մ19-ում՝ 3 հանդիպման: Ֆուտբոլիստի հետ կնքվել է երկու տարվա պայմանագիր: