Ասատրյանը և Գևորգյանը կպայքարեն ոսկե մեդալների համար

Իտալիայի Ֆաենցա քաղաքում ընթանում է ազատ ոճի ըմբշամարտի Եվրոպայի պատանեկան առաջնությունը։ Այսօր պայքարի մեջ մտած Հայաստանի ներկայացուցիչներ Գենիկ Ասատրյանը (60 կգ) և Լյովա Գևորգյանը (92 կգ) նվաճել են եզրափակչի ուղեգրեր:

Հունիսի 23-ին Գենիկ Ասատրյանը ոսկե մեդալի համար կպայքարի ադրբեջանցի Սաբիր Ջաֆարովի հետ, իսկ Լյովա Գևորգյանի մրցակիցը կլինի ռուսաստանցի Իսլամ Կարտոևը:

Մենուա Յարիբեկյանը (71 կգ) հունիսի 23-ին կանցկացնի սփոփիչ գոտեմարտ և հաղթանակի դեպքում կպայքարի բրոնզե մեդալի համար: