Հայկ Իշխանյանը համալրել է «Ալաշկերտ»-ի կազմը

Երևանի «Ալաշկերտ»-ի կազմը համալրել է Հայաստանի ազգային հավաքականի պաշտպան Հայկ Իշխանյանը:

29-ամյա ֆուտբոլիստը մեր թիմում խաղալու փորձ արդեն ունի. Իշխանյանը պաշտպանել է «Ալաշկերտ»-ի գույները 2014-2015 թթ. ընկած ժամանակահատվածում:

Փորձառու պաշտպանը հանդես է եկել նաև «Շիրակ»-ում, «Միկա»-ում, «Իմպուլս»-ում, «Գանձասար-Կապան»-ում, իսկ նրա նախորդ ակումբը Վանաձորի «Լոռի»-ն էր:

Հայկ Իշխանյանը 7 հանդիպում է անցկացրել Հայաստանի ազգային հավաքականի կազմում՝ դառնալով 1 գոլի հեղինակ:

«Ալաշկերտ»-ի նորեկը թիմի կազմում մեկնել է Հանքավան, որտեղ ալաշկերտցիները 10-օրյա հավաք և երկու ստուգողական հանդիպումներ կանցկացնեն՝ նախապատրաստվելով եվրագավաթային հանդիպումներին: