Արոնյանն ընթանում է «Altibox Norway Chess»-ի 3-րդ հորիզոնականում

Նորվեգիայի Ստավանգեր քաղաքում շարունակվում է «Altibox Norway Chess» գերմրցաշարը, որին Հայաստանը ներկայացնում է Լևոն Արոնյանը։ Մրցաշարի վեցերորդ տուրում Արոնյանը սպիտակներով հաղթեց ԱՄՆ-ի ներկայացուցիչ Ուեսլի Սոյին։

Վեց տուրից հետո Արոնյանը, վաստակած 7,5 միավորով, ընթանում է 3-րդ հորիզոնականում։ Մրցաշարային աղյուսակի առաջատարը Նորվեգիայի ներկայացուցիչ աշխարհի չեմպիոն Մագնուս Կարլսենն է՝ վաստակած 9,5 միավորով։ Երկրորդ հորիզոնականում է չին Յանյի Յույը՝ 8 միավորով։

Նշենք, որ վաղն Արոնյանի մրցակիցը կլինի հենց Յույը, ում հետ էլ Լևոնը կպայքարի երկրորդ տեղի համար։